|
– „(Эй Муҳаммад), албатта Биз Нуҳга ва ундан кейинги пайғамбарларга ваҳи юборганимиз каби сизга ҳам ваҳи юбордик, яна иброҳим Исмоил—Исҳоқ, Яҳқуб ва унинг уруғ-авлоди, Исо, Айюб, Юнус, Ҳорун ва Сулаймон пайғамбарларга ҳам ваҳи юборганмиз. Довудга Забурни ато этдик“. [4:163]
Яҳудлар, Сулаймон пайғамбар эмас, сеҳргар бўлган, дейишди ва Сулаймон а.с. давридаги сеҳргарлар шайтонлар мадади билан ёзган китобларни тўпладилар. Бу китоблар Мадинада уларнинг қўлларида кенг тарқалган эди. Мана, Сулаймон мана шу китоблар билан ҳукм қилган, дейишди. Шундай қилиб бу китобларни Пайғамбар с.а.в. билан мужодала қилишга модда (объект) қилиб олдилар.
وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ
(Ва Сулаймон давридаги шайтонлар (жинлар) айтган нарсаларга эргашадилар).
(مَا تَتْلُواْ الشَّيَاطِينُ шайтонлар (жинлар) айтган нарсаларга). Яъни, шайтонлар ўқиб, сеҳргарларга пичирлаб айтадиган ва улар ўз китобларига ёзиб борадиган гаплар.
يُوحِي بَعْضُهُمْ إِلَى بَعْضٍ زُخْرُفَ الْقَوْلِ غُرُوراً
– „Улар бир-бирларини алдаш учун гўзал (ялтироқ) сўзлар билан васваса қиладилар“. [6:112]
Исломдан олдин шайтонлар ўғринча самога қулоқ солардилар. Кейин у ердан эшитиб олган гапларига турли хил ёлғонларни аралаштириб, ўзларининг дўстларига – сеҳргарларга пичирлаб айтардилар. «Айрим самовот аҳли бир-биридан хабар сўраб, бу хабар дунё осмонига қадар етиб келарди. Жинлар унга ўғринча қулоқ солиб, эшитганларини ўз дўстларига отардилар. Қайси гапни тўппа-тўғри етказган бўлсалар, у ҳақ бўларди. Лекин улар ўзларидан ҳам қўшиб юборардилар».62 Исломдан кейин жинлар учун ўғринча қулоқ солиш тақиқланди.
وَأَنَّا كُنَّا نَقْعُدُ مِنْهَا مَقَاعِدَ لِلسَّمْعِ فَمَن يَسْتَمِعِ الْآنَ يَجِدْ لَهُ شِهَاباً رَّصَداً
– „Албатта бизлар (илгари осмондан айрим) жойларга (фаришталарнинг сўзларини ўғринча) эшитиб олиш учун ўтириб олар эдик. Энди ҳозир (яъни Муҳаммад алайҳис-салом пайғамбар қилиб юборилганларидан кейин) эса ким (яъни, қайси жин ўғринча) эшитар бўлса, ўзини кузатиб турган бир (учар) юлдузни кўрар“. [72:9]
(عَلَى مُلْكِ سُلَيْمَانَ Сулаймон давридаги). Яъни, Сулаймон а.с. подшоҳлиги даврида.
156-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204